عندي اشهر ما روّحتش لتونس والحقّ متاع ربّي توحشت ريحة البلاد والاهل والاصدقاء وجوّنا والضاحية الشمالية...وبديت نبرمج كيفاش ووقتاش باش نعمل طلّة اهوكا الواحد يبدّل شوية الجوّ وهذي حاجة عادية!
ايّا سيدي و في الانتظار كيف العادة كلّ نهارت احد فلّيل (وهو موعدي الاسبوعي مع قناتنا الخشبية عفوا الوطنية "تونس 7" اللّي تحوّلت لميدان ينبت فيه بكثرة الهندي والصبار) شديت بلاصتي قدام التلفزة نستنّى في الاحد الرياضي ونسيت المولد (نقوللكم مولدكم مبروك) وانو ما فمّاش كورة لكن انو زادة فمّا الاحتفال بمناسبة اختيار القيروان عاصمة للثقافة الاسلامية وهذاكا علاش في "تونس 7" يعدّيو في زعمة لمة عاملينها في جامع الاغالبة مالنوع اللي يحضروا فيها "اعيان" الحزب الجاثم فوق رقاب الشعب (من رئيس شعبة... لرئيس...) وجماعة "صلاة القيّاد...جمعة واعياد"
مانيش باش نحكي على اصوات المنشدين اللي والحقّ تقال مفزعة باش ما نقولش حاجة اخرى لكن اللي شد انتباهي هو كونهم بعد الاناشيد "الدينية" متاع العادة والعوايد طلعوا وهبطوا وقامو يغنّيو في "انزاد النبي وافرحنا بيه" متاع العروسات وبعد دوّروها يقراو شوية قرآن وتليها شوية دعاء "لحامي الحمى والدين" ويقراولو في الفاتحة ويعاودوا!!الحاصيلو مهزلة وفمّا حاجة اخرى واضحة للعيان والحقّ متاع ربي كثروا على ما وصّاوهم فيها هي: الامن و"الحنوشة" فيهم المتخفّي ولابس جبّة قال شنوة "تقيٌّ وَرِعٌ" وفيهم "المْكَسْتِمْ" واللي تحسوا فادد روحوا باش تتطلع للّي خلقوا!!!
الحاصل طارت الشيخة متاع المرواح لتونس، طار الكيف ! السّماح حسيت باللي كنت نحس فيه كل يوم في سيدي بوسعيد ملّي الرئيس سكن فيها وولاّت ثكنة! ملّي حرمونا مالجبل والغابة والبكباكة (للّي ما يعرفهاش: هي البلاصة الرّائعة في الشاطئ تحت الجبل بين سيدي بوسعيد والمرسى)،وملّي "سيدي بلحسن" الملقب "ببوبو" غار على شطر الجبل باش يعملو وتيل وسكرو علينا كل الطرق اللي تهبّط للبحر (حتّى من كرسي الصلاّح!!!)، ملّي كلّ يوم نهز راسي نشوف "قصر الدّهشة" اللّي يشيد فيه "ولد الماطري" (نسيب الزّين) في الارض الفلاحية متاع الصّوناد واللّي كنّا نمشيو نلعبو فيها كيف كنّا صغار (وراء قهوة المرساوي للّي ما يعرفوهاش)، والارض الاثرية الرّائعة اللى كنت نعمل فيها الفوتينغ وراء جبّانت الاماريكان وخرّجوها من ملك الدولة رغم انها محمية مل "اونيسكو" وخذاها بلوشي واحد مالجماعة باش تتباع بمليون المتر المربع و...و...و...و...
ما يزّينيش الغربة؟ الصّبر وبرّه
ايّا سيدي و في الانتظار كيف العادة كلّ نهارت احد فلّيل (وهو موعدي الاسبوعي مع قناتنا الخشبية عفوا الوطنية "تونس 7" اللّي تحوّلت لميدان ينبت فيه بكثرة الهندي والصبار) شديت بلاصتي قدام التلفزة نستنّى في الاحد الرياضي ونسيت المولد (نقوللكم مولدكم مبروك) وانو ما فمّاش كورة لكن انو زادة فمّا الاحتفال بمناسبة اختيار القيروان عاصمة للثقافة الاسلامية وهذاكا علاش في "تونس 7" يعدّيو في زعمة لمة عاملينها في جامع الاغالبة مالنوع اللي يحضروا فيها "اعيان" الحزب الجاثم فوق رقاب الشعب (من رئيس شعبة... لرئيس...) وجماعة "صلاة القيّاد...جمعة واعياد"
مانيش باش نحكي على اصوات المنشدين اللي والحقّ تقال مفزعة باش ما نقولش حاجة اخرى لكن اللي شد انتباهي هو كونهم بعد الاناشيد "الدينية" متاع العادة والعوايد طلعوا وهبطوا وقامو يغنّيو في "انزاد النبي وافرحنا بيه" متاع العروسات وبعد دوّروها يقراو شوية قرآن وتليها شوية دعاء "لحامي الحمى والدين" ويقراولو في الفاتحة ويعاودوا!!الحاصيلو مهزلة وفمّا حاجة اخرى واضحة للعيان والحقّ متاع ربي كثروا على ما وصّاوهم فيها هي: الامن و"الحنوشة" فيهم المتخفّي ولابس جبّة قال شنوة "تقيٌّ وَرِعٌ" وفيهم "المْكَسْتِمْ" واللي تحسوا فادد روحوا باش تتطلع للّي خلقوا!!!
الحاصل طارت الشيخة متاع المرواح لتونس، طار الكيف ! السّماح حسيت باللي كنت نحس فيه كل يوم في سيدي بوسعيد ملّي الرئيس سكن فيها وولاّت ثكنة! ملّي حرمونا مالجبل والغابة والبكباكة (للّي ما يعرفهاش: هي البلاصة الرّائعة في الشاطئ تحت الجبل بين سيدي بوسعيد والمرسى)،وملّي "سيدي بلحسن" الملقب "ببوبو" غار على شطر الجبل باش يعملو وتيل وسكرو علينا كل الطرق اللي تهبّط للبحر (حتّى من كرسي الصلاّح!!!)، ملّي كلّ يوم نهز راسي نشوف "قصر الدّهشة" اللّي يشيد فيه "ولد الماطري" (نسيب الزّين) في الارض الفلاحية متاع الصّوناد واللّي كنّا نمشيو نلعبو فيها كيف كنّا صغار (وراء قهوة المرساوي للّي ما يعرفوهاش)، والارض الاثرية الرّائعة اللى كنت نعمل فيها الفوتينغ وراء جبّانت الاماريكان وخرّجوها من ملك الدولة رغم انها محمية مل "اونيسكو" وخذاها بلوشي واحد مالجماعة باش تتباع بمليون المتر المربع و...و...و...و...
ما يزّينيش الغربة؟ الصّبر وبرّه
"الامن و"الحنوشة" فيهم المتخفّي ولابس جبّة قال شنوة "تقيٌّ وَرِعٌ" وفيهم "المْكَسْتِمْ" واللي تحسوا فادد روحوا باش تتطلع للّي خلقوا!!!"
RépondreSupprimerههههههههههههه
و كيفاش طلعتهم الجماعة: الشلاغم؟ التوثب و الاستنفار متاع واحد لا محتفل لاهم يحزنون؟
أي مولد مبارك
هههههه تي هاك طلّعت ياطارق :))))!! الشلاغم وحالة الاستنفار القصوى والقلق الظاهر على الوجه اللي تورّي كونو الشخص قاعد غادي لا لشيء الا لكونو يخدم! اما زادة بالخبرة ولّيت نطلّعهم بعدها ما يزّيش المعهد متاعي كان في قرطاج لاصق القصر (يعني يوميا نشوف في الوان واشكال) زيد عليهم عشت في سيدي بوسعيد كي ولاّت ثكنة ملّي سكن فيها...و ولاّو ويخرجولك مل حيط ومن حيث لا تعلمون زعام كان في هات "بطاقة التعريف الوطنية" ايّا خويا طارق نقلّك مولدك مبروك :))
RépondreSupprimer