vendredi 13 mars 2009

تكملة لتدوينة عمروش: قوّاد بكوارطو (فيديو) ا

بعد تدوينة خونا عمروش "الى ديانا مجلة :هدية من عند طاطتك سهام" على المدونة الجماعيّة، وبما انّو الفيديو المصاحب متاع "القوّاد اللي بكوارطو" محطوط على الموقع يوتيوب المغضوب عليه في تونس، هاني تلشرجيتها على المدونة متاعي باش ينجّموا يشوفوها الاخوة اللّي ماعندهمش بروكسي في تونس

9 commentaires:

  1. اللّطف قالّك بذرة الوطنيّة اللي كانت عندو من المعهد الثانوي انفجرت يوم 7 نوفمبر 87 هههه خلّاونا فضيحة قالّك نتشحتوه. صحّة ليهم نستاهلوا اكثر من هكّا

    RépondreSupprimer
  2. انا يضهري باش يمشي يبحث السيد
    كلمة انفجرت يوم 7 نوفمبر 87 ههههه تنجمش متعجبش اولياء الامور
    حمالة اوجه
    امى الحاجة الباهية انو يعطينا فكرة على مجلس المستشاريين الي لتوة مفهمت دورو؟ وزيد فيه القلال الي عليه بطاقة تفتيش دولية ؟؟؟

    شكرا على مجهودك

    RépondreSupprimer
  3. أنـا حزيــن
    و لا أملك غير الحزن للتعبير ...

    هذا ممثل الشعب
    :(

    RépondreSupprimer
  4. بالله العظيم شيء يحزّن ويحمّم القلب!!! الواحد ماعادش عارف يضحك والاّ يبكي

    RépondreSupprimer
  5. Ya3tik sahha ala telechargement :)

    RépondreSupprimer
  6. الى أم يوسف:
    لا شكر على واجب

    RépondreSupprimer
  7. انتوما تسبو في الراجل وما تعرفوشي حتى شكون
    الاخ عمر عبد الباري مناضل دستوري قديم كان مندوبا جهويا للتربية والتعليم بسوسة وكاتبا عاما للجنة التنسيق الحزبي بها وكان ذلك في فترة الزعيم بورقيبة، معناها الراجل ماهوش يرضع في صبعو
    أما انتوما مخاخ جدد وهو مازال لغته في التواصل قديمه، هذيكا حكايه أخرى

    RépondreSupprimer
  8. الى فهد:

    انّستك بيه خوك (في اللّون البنفسجي!)
    اللّي يتشحّت!!!! بابا العزيز اوّلا السّواحلية ما يستعملوش هل المصطلح متاع "نتشحّتوا" اما يقولو "نقرّقوا"!! ولذلك يمكن "الاخ" من دشرة مالدّشر وباش يفرض روحوا اجتماعيّا اتّخذ طريق القفة والقوادة باش فمّاش ما يوصل وهذاكا اللّي صار يضهرلي!!! كيما عملوا و قاعدين يعملوا برشة ناس يعني

    ثانيا نفهموا علاش التّعليم التّونسي بدأ يتقهقر من آخر ايّامات الزّعيم الرّاحل بما انّو وصوليّي التجوّع احتكروا برشة مراكز في التّعليم (من مدير جهوي للتعليم، لمتفقّد مرورا بمدير مدرسة ومدير معهد...وشخصيّا نعرف برشة امثلة) وعملهم بعقلية "معيز ولو طاروا" وتمضية وقتهم اللّي خالصين فيه من دمّ الشعب في الشُّعَب والاجتماعات الحزبية والقفّة على حساب خدمتهم! والاّ قلّي مدير جهوي للتعليم يحكي باللغة هذي والرّخص هذا آش تحب تستنّى منّوا؟! باش يشارك في تحسين وتطوير البرامج التعليمية؟؟؟!! هههه

    ثالثا الفرّادي البنفسجي هذا ظاهر من جماعة:
    Le Roi est mort, vive le Roi
    بما انّوا كان ينادي بحياة الزّعيم الرّاحل وفي ليلة ونهار قالك وطنية سيدوا الزّين اللي كانت عندو من المعهد الثانوي انفجرت يوم 7 نوفمبر 87...

    ربّي يحسن العاقبة و يعين كلّ تونسي صادق يحب البلاد بالحقّ موش يحبّ مصالحو!
    هذاكا الواحد اش ينجّم يقول

    RépondreSupprimer