عملا بمقولة: "اضرب القطّوسة تتربّى العروسة"، اتفق العرب على رفض مذكرة الايقاف الدولية في حقّ الرّئيس السّوداني عمر حسن البشير امّالا وينكم تولّيش الحكاية لعب ذرّي وكلّ يوم مكركرين واحد قدّام محكمة الجنايات والمجراب تهمزوا مرافقوا (يعرفوا ارواحهم آش عاملين في شعوبهم...) مع انّي قطّعيا ضدّ مذكرة ايقاف البشير موش خاطرني معاه، لكن لانّي ضدّ استعمال كلّ الهياكل الدّولية لمصالح ولاجندات ضيّقة (امريكيّة...)
حاجة اخرى فمّا قمّة مبرمجة ومحظرينلها منذ مدة باش تكون على نهارين... هكة لا طاح لا دزّوه توفى اليوم في نفس النهار... وهذا ان دلّ على شيء هو يدلّ على الارتجال السّائد في السّاحة العريية... والاّ زعمة الجماعة عباقرة كمّلوا جدول الاعمال وحلّو المشاكل عملا بمقولة قلل ودلل...؟!
نزيدكم زيادة، مهما كانت الظّروف و...و... آش يعمل بان كي مون في الدّوحة؟! آشنيّة صيفتوا: مراقب، قوّاد، ورقة ضغط، ضيف شرف (ههههههه)؟؟؟؟!! ومبعوث الاتّحاد الاوروبي...؟؟!
قمة عربية يلوّجوا فيها بشقّ الانفس على التّوافق وتصفية الاجواء... يجي بيّوع مرتزقة كيف حسني مبارك يغيب... بغض النظر عن الاسباب المعلنة والمخفية...
مبادرات السّلام مع اسرائيل... ياخي مازالو يحكيو بجدهم والاّ يفدلكو!؟؟؟ قالّوا مبادرة السّلام العربية ميش قاعدة للابد... اي لوقتاش؟؟!! هكّاكا في المطلق؟؟! الى ابد الابدين؟؟!!
و حكاية رفض الاسلحة النّووية في المنطقة (اللّي يقصدو بيها في ايران): تي ماهيش اسرائيل (اللي من المفروض عدوّهم...) عندها النّووي؟؟!! يضربولها على الطيّارة اسرائيل بخزعبلات هكّة خافت منهم برشة (وهي التي لم تحترم قرارا دوليّا منذ 1948) تي ماهو "يا اعمل كيف جارك والاّ بدّل باب دارك"! يا اعملوا سلاح نووي والا سكّروا افّامكم! خاطر اسرائيل ما على بالهاش بيكم! ولذلك يا كونوا رجال والا اسكتوا وخلّيوالرّجال (منهم ايران) يخدموا!
في الاخير باش خرجو!؟ تمخّض الجبل فولد فأر كالعادة!
مصالحة والاّ خليني نقول مجرّد مصافحة!! بيان كلّه قرارات مبهمة مسقطة وعبارات فضفاضة واضح انّ معضمها حاضرة سلفا من قبل القمة...! ويني الملفات المهمة كاعادة اعمار غزّة؟ المصالحة الفلسطينية؟ السّلام او اللاّ سلام (خاطر كلمة الحرب كلمة كبيرة)؟! العلاقات مع لَلاَّتْهُمْ ايران (اخطا تفاهة الجزر الاماراتية)؟! العلاقات العربيةـ العربية عمليّا ايّ بعيدا عن السطحية والكلام الفارغ والصّور التذكارية؟!
الحاصيلو و آ معتصماه!! وآآآآآآ عرباه!! الى متى هل مسرحيّات؟؟!
وقتاش يولّيو عنّا حكام باتم معنى الكلمة يمثلون ارادة شعوبهم؟!؟والاّ "كيف ينهّق البهيم في البحر"؟! زعمة هذاكا آش نستحقّوا!؟
حاجة اخرى فمّا قمّة مبرمجة ومحظرينلها منذ مدة باش تكون على نهارين... هكة لا طاح لا دزّوه توفى اليوم في نفس النهار... وهذا ان دلّ على شيء هو يدلّ على الارتجال السّائد في السّاحة العريية... والاّ زعمة الجماعة عباقرة كمّلوا جدول الاعمال وحلّو المشاكل عملا بمقولة قلل ودلل...؟!
نزيدكم زيادة، مهما كانت الظّروف و...و... آش يعمل بان كي مون في الدّوحة؟! آشنيّة صيفتوا: مراقب، قوّاد، ورقة ضغط، ضيف شرف (ههههههه)؟؟؟؟!! ومبعوث الاتّحاد الاوروبي...؟؟!
قمة عربية يلوّجوا فيها بشقّ الانفس على التّوافق وتصفية الاجواء... يجي بيّوع مرتزقة كيف حسني مبارك يغيب... بغض النظر عن الاسباب المعلنة والمخفية...
مبادرات السّلام مع اسرائيل... ياخي مازالو يحكيو بجدهم والاّ يفدلكو!؟؟؟ قالّوا مبادرة السّلام العربية ميش قاعدة للابد... اي لوقتاش؟؟!! هكّاكا في المطلق؟؟! الى ابد الابدين؟؟!!
و حكاية رفض الاسلحة النّووية في المنطقة (اللّي يقصدو بيها في ايران): تي ماهيش اسرائيل (اللي من المفروض عدوّهم...) عندها النّووي؟؟!! يضربولها على الطيّارة اسرائيل بخزعبلات هكّة خافت منهم برشة (وهي التي لم تحترم قرارا دوليّا منذ 1948) تي ماهو "يا اعمل كيف جارك والاّ بدّل باب دارك"! يا اعملوا سلاح نووي والا سكّروا افّامكم! خاطر اسرائيل ما على بالهاش بيكم! ولذلك يا كونوا رجال والا اسكتوا وخلّيوالرّجال (منهم ايران) يخدموا!
في الاخير باش خرجو!؟ تمخّض الجبل فولد فأر كالعادة!
مصالحة والاّ خليني نقول مجرّد مصافحة!! بيان كلّه قرارات مبهمة مسقطة وعبارات فضفاضة واضح انّ معضمها حاضرة سلفا من قبل القمة...! ويني الملفات المهمة كاعادة اعمار غزّة؟ المصالحة الفلسطينية؟ السّلام او اللاّ سلام (خاطر كلمة الحرب كلمة كبيرة)؟! العلاقات مع لَلاَّتْهُمْ ايران (اخطا تفاهة الجزر الاماراتية)؟! العلاقات العربيةـ العربية عمليّا ايّ بعيدا عن السطحية والكلام الفارغ والصّور التذكارية؟!
الحاصيلو و آ معتصماه!! وآآآآآآ عرباه!! الى متى هل مسرحيّات؟؟!
وقتاش يولّيو عنّا حكام باتم معنى الكلمة يمثلون ارادة شعوبهم؟!؟والاّ "كيف ينهّق البهيم في البحر"؟! زعمة هذاكا آش نستحقّوا!؟
Aucun commentaire:
Enregistrer un commentaire