jeudi 5 mars 2009

يا والله احوال وبره ولاّش الدين تهمة والكفر مفخرة مع "مثقفي" عقاب الزّمان زادة!؟؟

عندي مدة نتفرّج وساكت علّي قاعد يصير بين المدونين والمدونات من كل الاطياف والالوان وبغضّ النّظر عن قناعاتي الشخصية نشوف انّو للاسف فمّا ناس وصلت للحدّ متاع الرّداءة وقلّة التربية وقلة المعروف وقيّد على المتسمية حرية التعبيير وحرية مانعرفش شنوة!!! نسمّعك ما تكره، نسبلك العرش متاع والدين والديك، نقلّك اللي ما يتقالش نعتديلك على معتقداتك وقناعاتك وامبعد نحبك تضحكلي واتقلّي يرحم والديك وزيد كمّل القدام...!!! هذا الكلّ علي ظهر المسكينة حرية التعبير(اللّي على فكرة واضح انّها جديدة على برشة ناس) واللي موش مستانس بالبخورتتحرق حوايجوا!!! والله المسكينة (الحرية) كان جات تتكلّم راهي تتشفع للّي خلقها وقالت ماكل العام مااااااااااينة من هل القوم!!
وحدة غبية (اسمها على جسمها على فكرة حيث انها تمثل عين الغباء) والآخر "زبراط" حاشا من يتصنّت، والآخر يهزّ مل الخابية ويصب في الجابية، والآخر يلعب على عشرة حبال، والآخر قالك انا ملحد والمسلمين الكلّ بيهم وعليهم ...!!!! الحاصيلو قالّوا تعرفش العلم، قالّوا وانزيد فيه!! حتى من طارق الكحلاوي ،اللي آش خصنا كان جاو عندنا كيفو برشة سوى في البلوقسفير والاّ في الجامعات متاعنا، ما سلمش ووصلو الطشّ قالك يحكي بالصعيب والا شنوة ويتفوخر علينا بالدكتوراه اكثرش مالرّويق هذا؟! يشكيو من التطرّف متاع فئات من المتسميين على المسلمين (برشة منهم الاسلام بريء منهم)ويتبعوا بِبَلادَة في قوالب غربية جاهزة تنم عن سوء معرفة لطبيعة مجتمعاتنا وجهل بالاسلام وخلط رهيب بين عادات وتقاليد بالية (منها اللي تتعلق بالمرأة...) وبين تعاليم الاسلام الحنيف... وموش يشوفوا في التطرّف الاعمى متاعهم ونسيانهم او تناسيهم "انّ حريّتهم تنتهي عندما تبدأ حرية غيرهم" وهاو مثال حيّ من طرف سي عاشور النّاجي اللي ما خلّى ما قال على الاسلام والدّين: من "أشعر أن علي أن أغسل يدي كلما سلمت على إنسان متدين" وصولا الى عنوان مدوّنتوا اللّي واضح انّوا اختاروا للاستفزاز ولاشيء غير ذلك "خواطر مسلم سابق" شوف ملاّ عملة يا بو قلب (بثلاثة نقاط فوق القاف) مسلم سابق اكلّي الاسلام قاعد لك ولامثالك! والادهى من ذلك يجي ويقلّك مانيش "اسلاموفوبي"!! اكثرش من صحة الرّقعة هاذي؟! تي ماهوعلى القليلة كيف تاخذ موقف تحملو كامل موش تدور في الحياصة!!! على فكرة السيّد هذا غلطت مرّة وخلّيتلوا تعليق وجاوبني مشكور اما من وقتها فهمت انّو زايد، الكلام مع اللي ما يفهمكش ينقّص مالعمر وزايد باش نقعد اناقش في حين انّوا واضح اللي هو يحب "معيز ولو طاروا"! وهاو نص التعليقات

"

tunisianblogger
يقول...



تعرف كلّ تطرّف ماهوش باهي وانت يا عاشور باعلانك منذ مدّة الحرب الصّليبية على الاسلام بكل انواعو وطوائفو سقطتّ بالشوية بالشوية في التّطرف والتّزمت اما في الجهة المقابلة متاع الالحاد وما تابعو! وبلغة اخرى بعض مواقفك ولاّت اشدّ تزمّت ماللّي تسمّي فيهم اصحاب العمائم وساعات تورّي اللي ماك اتّبع كان في مبدأ خالف تعرف! تي ماهو عبّر على روحك وسيّب صالح علاش تحب تفرض بالسيف على النّاس الكلّ رأيك ونظرتك للاشياء وكلّ من يخالفك يولّي ظلامي وبيه وعليه! وصدّقني كان يجي نهار واللّي انت خايف منّو يصير وينتشر "من الغد الجلد للي ما يصليش و الي يشرب و الي موش محجبة ولي ما يسكرش حانوته وقت الصلاة والي يحجم لحيته و موش مقتدي بصلعم..." ما يكون هذا كان جرّاء مواقف كيما مواقفك! نعرف اللّي التعليق هذا موش باش يعجبك اما انا اللي نخمم فيه قلتو وانت دليلك ملك

09 يناير, 2009 07:56 م

tunisianblogger

يقول...


الزّح النهار الكلّ تحكي على الحرية الشخصية... ماهو حتى اللي يحبّ يصلي والا تلبس خمار داخل في الحريّة الشخصية والاّ لا زادة!؟ ماهو كلّ حد حرّ وكلّ حد مسؤول على روحوا!! موش لازم الناس الكل يكونو كيف كيف سيري كاصرونات! اهوكا باهي شوية اختلاط وتسامح وتعايش سلمي والاّ لا؟؟ انت تحب تزبرط بينك وبين اللّي خلقك واللّي يحب يصلي بينو وبين اللّي خلقو

09 يناير, 2009 08:10 م


عاشور الناجي يقول...


يا سي بلوغرتونسي ريتنيش مرّة ناديت لمنع الصلاة في الدار ولا في الجامع؟
قلتش الي مربي لحيته انتفهوهاله ؟
قد ما حكيت على حرية المعتقد و الحرية الشخصية و باقي متطرّف !!!!
المتطرف هو الي أصلا يحكي معاك باسم ربي و يجبرك انت بحوايج هو مقتنع بيهم ، موش العكس
بانا حق أي واحد يقول يلزمنا نمنعوا الإجهار بالمعصية ؟ شكونك انت باش تحدد المعصية و تعطي لروحك الحق تمنعها
أنا نحب نشرب كعبة سلتيا عارقة عالشط دبّر انت في جد بابا
راهي حكاية الاتهام بالتطرف و الاقصاء الي الخوانجية في عوض يجاوبوا عليهم يرميو بيهم أي واحد يكشف حقيقتهم ماعادش تاكل ، الناس فاقت"
http://exmouslem.blogspot.com/2009/01/blog-post_1019.html

خلاصة الحديث للي قاعدين يهزّوا وينفضوا وهاو الحاد، هاو المسلمين بيهم، هاو الاسلام بيه... وصولا الى انصار المدعوة "وفاء سلطان" و"اصدقاء" اسرائيل واللي يناضل
و من اجل الإجهار بالمعصية ... اعلموا انكم لستم الاوّلين ولن تكونوا الاخرين من المتآمرين علي مجتمعاتنا والاسلام والمسلمين ودعاة الكفر والالحاد ولكن الاسلام (المعتدل) اكبر منكم ومن امثالكم ومن اسيادكم ياخي باش تكونوا اكبر من قريش والا فرعون والاّ هامان والاّ ابي ابن خلف؟؟؟ يا ذنوبي صعيب بببببببببببرشة!!! حاجة اخرى نذكركم بدستور تونس العزيزة او بالاحرى الفصل الاوّل منّوا: "تونس دولة حرة ، مستقلة ، ذات سيادة ، الإسلام دينها ، والعربية لغتها، والجمهورية نظامها." يضهرلي الامور واضحة وضوح الشّمس والاّ لا؟ وانشاء الله العلي القدير، السميع العليم، مالك الملك ذو الجلال والاكرام باش تقعد الى الابد "دولة حرة ، مستقلة ، ذات سيادة ، الإسلام دينها ، والعربية لغتها، والجمهورية نظامها" واللّي عندوا ريح...يذرّي عشرة! والاّ نزيدكم زيادة: الحدوا و اكفروا وساندوا اللّي تحبّوا من وفاء سلطان وغيرها مالبيّوع واعملوا كيفهم كيف تحبّوا اما نقلكم حاجة واحدة: راهو تحبّوا والاّ تكرهو تلحدوا والاّ تقعدوا، في الاخر وين تمشيو في الغرب اللي روحكم وعقلكم فيه يقعدوا يقعدوا ويقولوهالكم
:
sale arabe
بل يحتقرو
نكم جراء تنكركم لاصولكم ولذلك خمموا مليح وراجعوا ارواحكم وراجعوا دروسكم وتعرّفوا على حضارتكم واكتشفوها وادرسوها جيدا وحاولو التعريف بها واصلاح الافكار الخاطئة عنها عند الآخر عوض التآمر عليها وستفهمون عندها قواعد اللعبة
كفاكم هروبا الى الامام فانتم تتفا
دون النقد البناء لا لشيء سوى لتهدّموا ولتهربوا من عجزكم!!! واللي ما عجبوش كلامي يعرف آش يعمل...! يضهرلي كل شيء واضح وما فمّا شيء بالسيف اللّي مسلم مسلم لروحوا والملحد ملحد لروحوا وما دون ذلك لروحوا زادة وانتوما دليلكم ملك

10 commentaires:

  1. متشبّعين بسلوك الرفض و الدغمائية
    و قت إلّي تنتقدو يلعب لعبة الضحيّة، و يدّعي الحوار لكن ديما يهربو من الإجابة على التسائلات، إن شاء الله ما يطلعوش هكّا في الدنيا، خاطر بسلوك كيما هذا يقعدو طول حياتهم منعزلين و عايشين في كئابة

    RépondreSupprimer
  2. Dommage, les mêmes amalgames qui se répètent, athéisme et sionisme, critique des croyances et islamophobie... vous êtes vraiment un débile qui n'a rien saisi de la notion de liberté... Je vous renvoies à ce que Articuler, brastos, Azwaw, Zabrat, et moi (5 exemple de blogeurs non-croyants) ont dit sur Gaza et Israël..
    Quand vous ne pouvez pas (plus) faire face à nos critiques vous tombez dans les accusations..
    Dans mon blog j'utilise la philosophie pour critiquer l'islam, il n'y a rien d'islamophoble là-dedans, jusqu'aujourd'hui AUCUN musulman ne m'a répondu par des arguments philosophiques, je n'ai vu que les insultes et les conneries.. et sinon pour la question de fierté, oui je suis fier, par de n'être plus musulman, mais d'avoir été capable de dépasser l'idéologie majoritaire..

    RépondreSupprimer
  3. Ah! Si être islamophobe c'est être réaliste et constater les dérives des jeunes tunisiens, si être islamophobes c'est être vigilant face à la montée des extrémismes, alors oui, je suis islamophobe...

    RépondreSupprimer
  4. appremment si A.B.M karriz belmjad :)

    ena bidi j'ai mis un commentaire chez 3achour batata et il m'a choqué avec sa réponse.
    c'étais vraiment nul, il m'a dit que je ne fais que répéter les propos de Tarek Kahlaoui..
    j'ai compris qu'l n'a pas grand chose à dire .
    Dommage qu'il a reussi a convaincre beaucoup d'autre a s'aligner derrière sa betise (bhema mte3ou)...car le camp des "cons" n'est pas si homogène qu'on le croyair ,on y trouve des gens raisonnable (tel ayech et zabrat) les autres sont de vrais cons ...j'y metterais une note la dessus :)
    jé vraiment envie de le faire seulement jé pas le temps

    RépondreSupprimer
  5. أنا شخصيا نتحدث على عاشور و مرا غبية، خاطر حاولت باش نتناقش معاهم بصفة موضوعية و واقعية لكن النافع ربّي، و بالرسمي أغبياء، هذا ماعندي فيه حتى شك

    أنا مانيش نتحدث على الملحدين الأخرين، عياش مثلا تنجّم تاخو و تعطي معاه،المشكل أنو واحد كيما عياش يجي يدافع عليهم، و هو ماعندو حتى دخل في كلامهم، و ماهوش مسؤول عليه حسب رأيي، مافهمتش شنيّة هالعقلية الغبيّة متاع الكلانيزم، عقلية ركّايات بكل صراحة

    RépondreSupprimer
  6. Je les défends parce que nous sommes dans une impasse, dans une situation ambigüe où tout le monde a un peu raison: et lorsque je suis confronté à un doute, par principe je penche pour la liberté d'expression.

    RépondreSupprimer
  7. C'est toi et des gens comme toi qui l'ont cree cette impasse. A force de s'aligner avec un camps a tort ou a raison!

    Et tu crois vraiment que tous ceux qui ont critique Achour et MraGhabia sont des Islamistes? Alors meme Hnani est Islamiste si c'est comme-ca!! D'ailleurs on n'a pas vu ces gens la reagir lorsqu'elle s'est exprime sur ce sujet.

    RépondreSupprimer
  8. excusez les fautes, j'écris rapidement..

    RépondreSupprimer
  9. Mais bien sûr que non, je n'ai accusé personne d'islamisme. il y a deux ou trois blogeurs qui se disent ouvertement islamistes, c'est leur affaire, ça ne me concerne pas. Moi ce que je veux c'est une société qui respecte l'individu et ces droits, et ce n'est pas encore le cas. Une partie de l'opression est politique, une autre est religieuse, je cehrche une chemin entre les deux. Je n'insultes pas l'islam, je dis juste que certaines lois de provenance islamique ne vont plus avec notre époque, je demande et je milite pour que mon statut de non-croyant soit accepté en société, akahaw.

    RépondreSupprimer
  10. الضحك على الشعب
    أسبوع مقاطعة الجرائد الوطنية

    RépondreSupprimer