lundi 26 octobre 2009

حرصا على الشفافية

عندي برشة ما كتبت شيء وبعيد على المدونة لكن العوج اللي شفتوا البارح ما انّجمش نسكت عليه.

المهمّ، البارح مشيت ننتخب...الحاصيلو في لعشية امّخر (في الوقت اللي يوليو يستبعدو انو يجيو فيه ناس) وكان معايا انسان نعرفوا لكنّوا سبقني للقاعة اللي باش ننتخبو فيها. واحنا داخلين للمركز الانتخابي لفتت انتباهنا الحفاوة والترحاب متاع "عمدة" المنطقة وخاصة انّوا ضهر مربوث ودخل بعضوا كي شافنا وتو تعرفو علاش (هو اللي في العادة عمروا ما يسلم علينا...).

كيما قلت سبقني مرافقي للقاعة متاع الانتخاب وكيف دخلت انا نلقا الدنيا داخلة بعضها والجماعة يتغامزو عليه ويتلفوا في الجرّة (ما فاقوش اللي احنا مع بعضنا). اكهو فهمت آش صار: ضهر السيّد مازال في دارو وهوما ريڨلولو اموروا وانتخبوا في بلاصتوا وصححوا في الدفتر في بلاصتوا... آيا قالولو ما صار شيء برّا للخلوة اختار وموش لازم تصحح (الورقة كلها مصححة وماعادش فمة بلايص)... هاذا كلّو صاير وانا واقف نتفرّج!! السيّد مشى للخلوة وانا نسمع فيهم يْوَشْوْشُو ويحكيو بالسرقة بالحرف الواحد:
"هذا العمدة انتخب في بلاصتوا...!!!!"
زعمة العمدة عندوا توكيل على العباد اللي ما جاوش؟؟ بانا حقّ؟؟ زعمة انتخب احمد ابراهيم والاّ الاينوبلي؟؟؟

نفس الحالة صارت مع انسان نعرفوا في ولاية اخرى وهذا ان دلّ على شيء فيدلّ على انّوا شيء منظم (انتخبوا في بلاصة اكثر اللي ما جاوش وخلو شوية غائبين تمويه....) زعمة الهيمنة على كلّ شيء في البلاد ما يكفيوش؟؟؟!!!!

حاجة اخرى، الجوابات اللي لازم تحط فيهم ورقة الانتخابات الرئاسية لونهم ابيض بحيث يورّيو شنوة لون الورقة اللي حطيتها (جرّبتها الفازة)... نعرف هذا الكلّو حرصا على "الشفافية" في كلّ شيء

ايّا امالا دمتم على شفافية وانشاء الله بعد 5 والا 10 سنين تولي فم
ة ديمقراطية فعلية حتى وان كانت نسبية

6 commentaires:

  1. moi je n'ai pas voté (pour des raisons idéologiques), mais rien que de penser qu'on ait pu voter à ma place, ça me met en rogne!!!

    RépondreSupprimer
  2. Triste constat en effet ,en Algérie on en a vu d’autre, même les morts votent encore (un droit posthume ) , c’est la raison pour laquelle je ne vote plus depuis des lustres , parce que même si on vote pour celui qu’on veux , lors du dépouillement les ‘’zélés commis de l’état ‘’ mettent le nombre qu’ils veulent et pour le candidat désiré ,avec les PV en règle ,et comme ça tout le monde est content , alors pourquoi aller votez alors qu’on le fait à notre place , autant rester dans son lit douillet et profiter de cette journée fériée , bonne continuation.

    RépondreSupprimer
  3. Coucou de Nouméa
    Comment penser après plus de vingt siècles de guerres et d'injustices que "l'Homme" est bon.

    RépondreSupprimer
  4. شكرا لكم ..))وفى انتظار كل جديد

    RépondreSupprimer
  5. شكرا لكم ..دائما موفقين..))

    Räumung - Räumung

    RépondreSupprimer