حماس وحماس ثمّ حماس

حماس وحماس ثمّ حماس

اي نعم في الظّروف هذي وفي ظلّ المذبحة اللّي قاعدة تصير في غزّة الصّوت العقلاني والمتّزن لازم يجي في صفّ حماس على خاطر المقاومة هي النهج والسبيل الوحيد للكرامة والاّ خليني نقول ما بقي من كرامة. بقطع النّظرعلى حماس اسلاميين والاّ موش اسلاميين ونعرف اللّي برشة مُرضى بالسكيزوفرانيا وانفصام الهويّة هذاكا مشكلهم الاساسي مع الحركة هذي وموقفهم ضدّها اليوم ماهو ناتج كان من هوس بمحاربة الدين على حساب ايّ حاجة اخرى ولو كانت دماء الابرياء!!!! هنا فما نقطة مهمّة برشة لازم يعرفوها الناس وهي كونوا موش حماس وحدها اللي واقفة ضد الكيان الصهيوني الغاصب بل عدة فصائل فلسطينية لكن التصويرة اللّي يحبوا يعديوها الصهاينة وحلفائهم من انظمة عربيّة ومجتمع دولي متواطئ باش يوهموا الرّأي العام انّو حماس وحدها ضدّ التيّار ويستغلّوا مشاعر العداء للاسلام! ثّم اشنوة اللّي طالبينو من حماس باش تعملو وماعملتّوش في ضلّ الوضع الراهن والتّطهير العرقي والابادة اللي قاعدين يصيرو؟؟؟؟!!! التّهدئة ؟؟؟ ماهم عملوها والتزمو بيها اكثر من 6 شهور شنيّة النّتيجة؟؟؟ حصار غير مسبوق على غزّة، كارثة انسانيّة، تواصل سياسة الاغتيالات والعدوان الصهيوني...!!!!
وهنا زادة لازم يتوضّح مفهوم التّهدئة والتّسوية السّلمية على خاطر فمّا لبس ولعب على الكلام الجماعة الصّهاينة والبيّوع اللي معاهم يقصدو بيها التّنازل على كلّ الحقوق من غير شروط وهذا اللي ترفضوا حماس وحلفائها وعندهم الحقّ في المقاومة وعدم الاستسلام والتنازل عن حقوق الشّعب الفلسطيني موش كيف جماعة ابو مازن اللّي يمثلو كان جزء في فتح وهذي حاجة لازم يعرفها العالم الكلّ لكن يتم دعمهم بقوة وتجري محاولة اظفاء شرعيّة ليهم لانّهم يخدموا في مصالح العدوّ على حساب شعبهم على عكس حماس وحلفائها من الفصائل الفلسطينيّة الاخرى!!!!
ثمّ نفرضوا انّوا حماس غالطة في برشة حاجات هل هذا وقت محاسبتها ام ادانة العدوان الصهيوني والوقوف الى جانب اخوتنا الفلسطينيين في الوقت الصعيب هذا؟؟؟؟!!! هل وصلت الدّنائة والنّذالة باللّذين يدّعون في العلم فلسفة وركعوا وانزلوا سراويلهم سواء لارضاء اسيادهم في واشنطن وتلّ ابيب اولارضاء انفسهم المريضة وايديولوجيّاتهم الاصولية الشيطانيّة المتعفّنة بالاستكثار على الشعب الفلسطيني الاعزل حقّه الشّرعي في الكرامة والعزّة و الصّمود ورفض الاستسلام ورفض الاحتلال؟؟؟؟!!! حقّا على الدنيا السّلام

ملاحظة: فمّا حاجة مهمة لازم الاشارة ليها هي انّوا العدوان الصهيوني والابادة العرقيّة اللّي قاعدين يُرتكبوا في حقّ شعبنا في فلسطين بعيدا عن كلّ الذرائع الواهية من رفض حماس وحلفائها التّسوية والصواريخ الفلسطينية... ماهي الاّ مزايدات انتخابيّة يقوموا بيها وزراء العدو وعلى رأسهم العاهرة ليفني والكلب باراك الله لا تباركلو في ضلّ الصمت الدولي والعربي المخزيين والمتواطئيين

Appel à un rassemblement de soutien à Ghaza à Paris

Sionistes ! Fascistes! Vous êtes des terroristes!

Le Centre Zahra France appelle pour manifester notre soutien au peuple palestinien face à l’agression israélienne et ce aujourd'hui Dimanche 28 Décembre 2008 à 15h00 devant l’Arc de Triomphe à Paris.

http://www.alterinfo.net/Soyons-nombreux-ce-Dimanche-28-Decembre-2008-a-15h00-devant-l-Arc-de-Triomphe-pour-manifester-notre-soutien-au-peuple_a27642.html

http://palestine.over-blog.net/article-26188466.html

Israel (nazis), USA ( le mal) et les autes (...): Fuck you all!!

شوفوا حلّ وقّفوا المجزرة!!! ويني الامم المتّحدة واللّي يدافعو على السّلام وحقوق الانسان والتّوانسة البيّوع اللّي يقولوحماس تنظيم ارهابي وغيرهم...؟؟؟ علاش الكلّ يبلّعوا افّامهم كلّ ما فمّا مجزرة يموتوا فيها عرب و مسلمين؟؟؟!!! لما هذا الصّمت المخجل؟؟؟
علاش كان جاء عربي رمى فوشيكة راهي الدّنيا تقلبت وراهي جماعة الفارينة (...) الكلّ تدين وامريكا دعاة لاجتماع مجلس الامن و وتهدّد باستعمال حقّ الفيتو و ابو مازن هبّط سروال والعرب البيّوع اللّي يتخبطو في السكيزوفرينيا وانفصام الهوية ( وقدّاش عندنا منهم في تونس) دارو على حماس قال شنوة اسلاميين.... ربّي يرحمّ اللّي ماتوا امّا البقيّة ما تخافوش يجيكم نهار و تشوفوا اللّي عمركم ما ريتوه

ملاحظة: بربّي نطلب مالمرتزقة البنفسجي اللّي اسمو نوفل باش يخطانا مالسبام متاعو ويمشي يلوّج "خْبِيزَة" في بلاصة اخرى على خاطر قلم البلوقسفار خاطيه وماعندو في السوق مايذوق! امّا نعرف اللّي الزّنوس من النّوع هذاكا رخاص و مايفهموش ارواحهم

نعم للأبيض، لا للبنفسجي

اللّون الابيض هو رمزالسّلام ولون الحمام والحليب والياسمين وكلّ ماهوصافي ونقي!!! وعلى هذاكا مافمّاش خير مالأبيض باش يكون من رموزالنّظال من أجل حرية الفكر و التعبير!!! كلنا بصوت واحد: ياعمّار احشم ويزّي فكّ وبرّى العب قدّام دارك وخلّي الناس تتكلم وتعبّر

جريمة مع سابق الاضمار والتّرصد

منعت الزوارق البحرية الإسرائيلية سفينة مساعدات ليبية محملة بـ3000 آلاف طن من المواد الغذائية والأدوية من الوصول إلى ميناء قطاع غزة، في حين غرق القطاع في ظلام دامس الليلة الماضية بعد انقطاع التيار الكهربائي بسبب نفاد الوقود في المحطة الكهربائية.

وقال مراسل الجزيرة في القطاع إن الزوارق البحرية الإسرائيلية اعترضت سفينة (المروة) الليبية، وأجبرتها على العودة إلى مدينة العريش المصرية.

وقد أكدت وزارة الخارجية الإسرائيلية أنه لم تحدث أية مواجهات بين السفينة والزوارق الحربية، وقال المتحدث باسم الوزارة أندي دافيد "أدركوا أن البحرية موجودة، وقرروا تحويل مسارهم، لدينا سياسة واضحة بشأن الحصار، يجري الإعلان عنها على الدوام".

وأشار المراسل إلى أن وزارة الخارجية كانت قد أكدت خلال الأيام الماضية أنها لن تسمح للسفينة بالوصول إلى ميناء غزة، متذرعة بأن ذلك يشكل انتهاكا للسيادة الدولية، ونقل المراسل عن خبراء دوليين تأكيدهم أنه منذ انسحاب إسرائيل من القطاع فإن السيادة على مياهه أصبحت خاضعة للسلطة في القطاع وليس لإسرائيل.

وفيما يتعلق بالخيارات المطروحة أمام السفينة، أشار المراسل إلى أن طاقمها قد يفكر في التوجه إلى ميناء لارنكا في قبرص، ثم التوجه من هناك إلى ميناء غزة، كما فعلت سفن كسر الحصار الأوروبية، أو قد يلجأ طاقم السفينة لنقل المساعدات إلى القطاع برا عبر الأراضي المصرية.

يذكر أن السفينة انطلقت قبل خمسة أيام من الموانئ الليبية، ويوجد على متنها 15 شخصا هم أفراد الطاقم، بالإضافة إلى ثلاثة صحفيين.

وتأتي العرقلة الإسرائيلية لسفينة المساعدات الليبية في الوقت الذي ينتظر فيه انطلاق سفينة مساعدات تركية باتجاه غزة خلال الأيام المقبلة

Source: http://www.aljazeera.net/NR/exeres/9A3E2DF4-B29F-41E5-9EA1-48910D2E6CAC.htm

السّكوت المُخْزِي

لا يقبل أي إنسان مهما كان دينه أو انتماؤه أن يحكم بالتمويت جوعاً على إنسان أو حيوان! فكيف يسمح العالم بهذا الموت الجماعي لمليون ونصف إنسان؟!

وكيف، وعلى مرأى سكان هذه الأرض، تحدث هذه الجريمة الأفظع في غزة؟!
كل لحظة تمر في غزة، متخمة بأنين الجوعى من الأطفال والنساء والرجال.. أنين الجوع والمرض والاستغاثة والاحتضار.. ولا من مجيب..
أين المنظمات العربية والعالمية؟
أين الأمم المتحدة التي لا تطبق قراراتها إلا على العرب من أجل تقوية المحتلين وجعلهم يتلذذون بموتنا البطيء؟!
أية سادية سايكوباتيزمية جماعية أصابت العدو الصهيوني ومؤيديه في العالم؟
ولماذا لا يتحرك أدعياء العدالة وحقوق الإنسان والطفل والمرأة والبيئة وإلخ؟!
حصار غزة حدث حياتي يزيد مع الأحداث الإجرامية السابقة انكشاف الزيف الإسرائيلي، وأقنعة المنزاحين إليه من عرب وأجانب، وازدواجية المعايير، والكذب العميم للسلام من أدعياء السلام..
ألا يخجل العالم من رؤية عجوز أو طفلة أو رضيعة بحاجة إلى عملية جراحية سريعة؟
ألا يحس العالم بجوع الأطفال وموت أمهاتهم وآبائهم؟
لماذا نسي من اجتمعوا في حوار التطبيع غزة المعزولة عن الماء والغذاء والكهرباء والدواء؟ أم برأيهم، ليس هناك فلسطين، وليس هناك عراق، وليس هناك وطن عربي بالأصل؟!!!!!
كم يلزم العالم من الإنسانية ليكون إنسانياً، ثم.. ليتحدث عن السلام؟
يتحدث عن السلام مع عصابة مرتزقة استوطنت وطن غيرها، ودفنتْ ساكنيه بالشظايا، بالنيران، بالمجازر، بالاغتيالات، بالحصارات..
هل هناك إرهاب أكثر بشاعة من هذا الإرهاب؟
لماذا يصر العالم على بناء ما تدعى إسرائيل على جثث أبرياء فلسطين، وأبرياء العرب؟

Source: http://www.wa3ad.org/index.php?show=news&action=article&id=31706

فرانساوي و فاهم اللّعبة بالضّبط خيرمن برشة توانسة

الفيديوهاذي كان نشرها خونا مهدي على المدوّنة متاعوا ونعتبر انها مهمّة برشة على خاطر السيّد اللّي يحكي رغم انّو فرانساوي فاهم اللّعبة بالضّبط خيرمن برشة توانسة وحلّل الوضع الرّاهن في البلاد بكلّ صراحة وموضوعيّة
لكن بما انّو موقع الدّايلي موشن محجوب ومسكّر في تونس، هاني تلشرجيتها وعاودت نشرتها باش النّاس الكلّ تشوفها وتعمّ الفائدة

هاوعنوان التّدوينة الاصليّة

http://mehdiladjemi.blogspot.com/2008/11/ce-mec-tout-compris.html

احشموا خلّيو النّاس تصوّر

على هامش الموضوع متاع الحجب والصنصرة وحريّة الصحافة في تونس واللّي الحمد الله في المدّة الاخيرة بدأ يستأثر بالاهتمام اللاّزم من قبل الاخوة المدونين وزادة برشة ناس من داخل البلاد، جلبت انتباهي لقطة تعدّات في قناة حنّبعل نهار الاثنين في اللّيل وقت اللّي في برنامج سويعة سبور تناولو موضوع ماتش الترجّي والقصرين والسّياج الحديدي اللّي طاح بالجمهورنهار الأحد اللّي فات في ستاد القصرين واللي ما نشكّش لحظة واحدة انّو اللّي عملوه مالمقاول للبلديّة وانت ماشي مترفكين فيه

و في الوقت اللّي فوق 20 رقبة تكسرت كرايمهم وصاراللّي صار، شوفوآشكون لاهي يمنع في النّاس مالتّصوير!!


يقول القائل آش امدخلو في الحكاية عضو لجنة التّنسيق (متاع التجوّع بالطّبيعة) والاّ زعمة هذي من مهامو؟؟؟

الحاصيلو بدون تعليق

وكالة "الاشهار" عفوًا الاتّصال الخارجي و البروبقاندا الرخيصة

مازلت كيف ذكرت في التدوينة السّابقة حكاية المقالات مدفوعة الاجر متاع البروبقاندا الرخيصة في وسائل الاعلام الاجنبيّة واللّي قاعدة تقوم بيها وكالة "الاشهار" عفوًا الاتّصال الخارجي قال اشنوة هاو العالم الكلّو يمجّد في "النّجاحات والقيادة الحكيمة"... وكيما نقولو في تونس اللّي ماعندوا شاهد كذّاب ! هاوالاخّ

"Astrubal"
نشر تدوينة يحكي فيها على نفس الموضوع وبالدّليل القاطع زادة! الحاصيلو ماهو في الخارج كلّ شيء بالمكشوف، الفضايح متاع جماعتنا ماتتخبّاش

اضغط على الصّورة لتكبيرها

شوف التّدوينة اللّي نحكي عليها
http://astrubal.nawaat.org/2008/11/11/encore-une-escroquerie-de-la-tap-via-linternational-herald-tribune/

عمّار والفايس بوك أوآخرما صدرفي طرق الحجب

الفايس بوك اللّي واضح انّوا قلّق ومازال يقلّق في اللّي باركين على البلاد من اسياد عمّار 404، في الاول سكروه كيما غيرو من المواقع اللّي تمّ حجبها ياخي كيف قامت القيامة والنّاس الكلّ تكلّمت عاودوا حلّوه ومكره اخاك لابطل قال شنوّة غلطة وتمّ تصليحها خاصة وانّو ولاّت فما قضيّة عدليّة وتنجّم تولّي فمّا شوشرة في الحكاية ...

و بما انّو عمّار والجماعة اللّي حطّوه نيّتهم ماهيش صافية ركّحوا الجوّ مدّة واستغلّوا الوقت هذاكا باش يلقاو كيفاش يصنصروا الفايس بوك تحت حسّ مس ّوهاذاكا اللّي صار خاطر الأيامات هاذي فمّا مجموعات ماعادش تتحلّ في تونس وهي اللّي تحكي على مواضيع حسّاسة وتقلق كيما الحوض المنجمي والاّ التعذيب وغيرهم في حين انّوا الباقي الكل يتحلّو بطريقة عادية وهكّا كأنّهم قاعدين يقتلوا بال
"pistolet silencieux"
ولا من رأى ولا من سمع وبعّد تلقى شلّة الاوباش وجماعة التجوّع الدّيماغوجي يحكيو على الانفتاح والحريات في البلاد وخاصّة على حريّة التعبير

على هذاك احنا المدونين مالازمناش نسكتوا على اللّي قاعد يصير وعلى اللعبة القذرة هاذي ويظهرلي اكثر الاخوة انخرطوا وشاركو نهار4 نوفمبر بتدوينات ضدّ الحجب وموافقين على المبدأ هذا وصدقوني راهو الدّوام ينقب الرّخام كيما يقولو ناس بكري!

نحبّ نزيد حاجة للمسؤولين على الحجب ولعمّار 404 انّوا اللّي يعملو فيه ماهو الاّ اهدار للمجهود والمال العام واكثر النّاس تعرف الحقيقة ومهما طال الدهر ديما لازم خنّارهم وفضايحهم يخرجو خاصّة انّهم يعرفوا انّو صابونهم ديما منشور في وسائل الاعلام الاجنبيّة اللي ديما فاضحتهم رغم كلّ ما خرّجوا فيها من مقالات مدفوعة الاجر متاع بروبقاندا رخيصة

وهاو شوفوا بعينيكم تقرير لسفير فرنسا حول الانترنات في بلادنا كان بعثوا لوزارة الخارجيّة متاع بلادو في آخر الصّيف اللّي تعدّى...

(اضغط على الصّورة لتكبيرها)

Source: http://www.bakchich.info/article5733.html

ملاحظة: موش غريب كان غدوة عمّار يتعدّى بالخردة ال404 متاعوا على المدونة متاعي والحاجة هاذي كان وقعت راهي تبرهن على صحّة كلامي

Libertés et droits vous avez dit?!

Voici quelques photos en date du 8 Novembre 2008 (au lendemain du 21^ème anniversaire de la mainmise sur le pays…) montrant des policiers en tenue civile en pleine séance de répression et d’agression envers des militants du pdp (parti légal) dont notamment sa Secrétaire Générale élue chose qui illustre comme il se doit "la démocratie" dans la Tunisie "du changement" dite "pluraliste, de droit et de libertés"…

Où est donc la presse "libre" censée couvrir et mettre sous les lumières tout ça??!

Source: http://www.nawaat.org/portail/2008/11/08/tunisie-violences-policieres-a-l-egard-du-pdp/#

بدون تعليق

التّصويرة تعبّر على روحها

Source: http://debatunisie.canalblog.com/archives/2008/11/07/11256507.html

هذه البلاد شقة مفروشة

هـذي البـلادُ شـقَّـةٌ مَفـروشـةٌ ، يملُكُها شخصٌ يُسَمّى عَنترَهْ …

يسـكَرُ طوالَ الليل عنـدَ بابهـا ، و يجمَعُ الإيجـارَ من سُكّـانهـا ..

وَ يَطلُبُ الزواجَ من نسـوانهـا ، وَ يُطلقُ النـارَ على الأشجـار …

و الأطفـال … و العيـون … و الأثـداء …والضفـائر المُعَطّـرَهْ ...

هـذي البـلادُ كلُّهـا مَزرَعَـةٌ شخصيّـةٌ لعَنـترَهْ …

سـماؤهـا .. هَواؤهـا … نسـاؤها … حُقولُهـا المُخضَوضَرَهْ …

كلُّ البنايـات – هنـا – يَسـكُنُ فيها عَـنتَرَهْ …

كلُّ الشـبابيك علَيـها صـورَةٌ لعَـنتَرَهْ …

كلُّ الميـادين هُنـا ، تحمـلُ اسـمَ عَــنتَرَهْ…

عَــنتَرَةٌ يُقـيمُ فـي ثيـابنـا … فـي ربطـة الخـبز …

و فـي زجـاجـة الكُولا ، وَ فـي أحـلامنـا المُحتَضـرَهْ ...

مـدينـةٌ مَهـجورَةٌ مُهَجّـرَهْ …

لم يبقَ – فيها – فأرةٌ ، أو نملَـةٌ ، أو جدوَلٌ ، أو شـجَرَهْ …

لاشـيء – فيها – يُدهشُ السّـياح إلاّ الصـورَةُ الرسميّـة المُقَرَّرَهْ ..

للجـنرال عَــنتَرَهْ …

فـي عرَبـات الخَـسّ ، و البـطّيخ …

فــي البـاصـات ، فـي مَحطّـة القطـار ، فـي جمارك المطـار..

فـي طوابـع البريـد ، في ملاعب الفوتبول ، فـي مطاعم البيتزا …

و فـي كُلّ فئـات العُمـلَة المُزَوَّرَهْ …

فـي غرفَـة الجلوس … فـي الحمّـام .. فـي المرحاض ..

فـي ميـلاده السَـعيد ، فـي ختّـانه المَجيـد ..

فـي قُصـوره الشـامخَـة ، البـاذخَـة ، المُسَـوَّرَهْ …

مـا من جـديدٍ في حيـاة هـذي المـدينَـةُ المُسـتَعمَرَهْ …

فَحُزنُنـا مُكّرَّرٌ ، وَمَوتُنـا مُكَرَّرٌ ،ونكهَةُ القهوَة في شفاهنـا مُكَرَّرَهْ …

فَمُنذُ أَنْ وُلدنـا ،و نَحنُ مَحبوسُونَ فـي زجـاجة الثقافة المُـدَوَّرَهْ …

وَمُـذْ دَخَلـنَا المَدرَسَـهْ ،و نحنُ لانَدرُسُ إلاّ سيرَةً ذاتيّـةً واحـدَهً …

تـُخبرنـا عـن عَضـلات عَـنتَرَهْ …

وَ مَكـرُمات عَــنتَرَهْ … وَ مُعجزات عَــنتَرَهْ …

ولا نرى في كلّ دُور السينما إلاّ شريطاً عربيّاً مُضجراً يلعبُ فيه عَنتَرَهْ …

لا شـيء – في إذاعَـة الصـباح – نهتـمُّ به …

فـالخـبَرُ الأوّلُــ – فيهـا – خبرٌ عن عَــنترَهْ …

و الخَـبَرُ الأخـيرُ – فيهـا – خَبَرٌ عن عَــنتَرَهْ …

لا شـيءَ – في البرنامج الثـاني – سـوَى :

عـزفٌ – عـلى القـانون – من مُؤلَّفـات عَــنتَرَهْ …

وَ لَـوحَـةٌ زيتيّـةٌ من خـربَشــات عَــنتَرَهْ ...

و بـاقَـةٌ من أردَئ الشـعر بصـوت عـنترَهْ …

هذي بلادٌ يَمنَحُ المُثَقَّفونَ – فيها – صَوتَهُم ،لسَـيّد المُثَقَّفينَ عَنتَرَهْ …

يُجَمّلُونَ قـُبحَهُ ، يُؤَرّخونَ عصرَهُ ، و ينشُرونَ فكرَهُ …

و يَقـرَعونَ الطبـلَ فـي حـروبـه المُظـفَّرَهْ …

لا نَجـمَ – في شـاشَـة التلفـاز – إلاّ عَــنتَرَهْ …

بقَـدّه المَيَّـاس ، أو ضحكَـته المُعَبـرَهْ …

يـوماً بزيّ الدُوق و الأمير … يـوماً بزيّ الكادحٍ الفـقير …

يـوماً عـلى طـائرَةٍ سَـمتيّـةٍ .. يَوماً على دبّابَة روسيّـةٍ …

يـوماً عـلى مُجَـنزَرَهْ …

يـوماً عـلى أضـلاعنـا المُكَسَّـرَهْ …

لا أحَـدٌ يجـرُؤُ أن يقـولَ : " لا " ، للجـنرال عَــنتَرَهْ …

لا أحَـدٌ يجرؤُ أن يسـألَ أهلَ العلم – في المدينَة – عَن حُكم عَنتَرَهْ …

إنَّ الخيارات هنا ، مَحدودَةٌ ،بينَ دخول السَجن ،أو دخول المَقبَرَهْ ..

لا شـيء فـي مدينَة المائة و خمسين مليون تابوت سوى …

تلاوَةُ القُرآن ، و السُرادقُ الكبير ، و الجنائز المُنتَظرَهْ …

لا شيء ،إلاَّ رجُلٌ يبيعُ - في حقيبَةٍ - تذاكرَ الدخول للقبر ، يُدعى عَنتَرهْ …

عَــنتَرَةُ العَبسـيُّ … لا يَترُكنـا دقيقةً واحدَةً …

فـمَرّةَ ، يـأكُلُ من طعامنـا … و َمـرَّةً يشرَبُ من شـرابنـا …

وَ مَرَّةً يَندَسُّ فـي فراشـنا … وَ مـرَّةً يزورُنـا مُسَـلَّحاً …

ليَقبَضَ الإيجـار عن بلادنـا المُسـتأجَرَهْ

احنا فين والحبّ فين

في خضمّ الجوّ متاع الانتخابات الرّئاسيّة الامريكيّة والصعود التاريخي متاع باراك اوباما كرئيس لواحدة من القوى العظمى اليوم في العالم في حين اللي هو واحد من السّود اللّي موش برشة اللتالي كانو يحاربو ويناضلو باش يتحصّلو على ابسط حقوقهم في بلاد اللّي كانو فيها عبيد ضربة واحدة! هذا الكل يحيلنا على انّو بالنّضال والعزيمة كلّ شيء ممكن يتحقّق! اما بربّي ياتوانسة ياولاد بلادي قولولي ياخي قلوبكم ماتوجعكمش كيف تشوفوا هذا الكلّ؟ واحنا حتّى لوقتاش باش نقعدو نقاسيوفي عصابة التّجوّع وبوشيشة وثابت وامثالهم؟؟؟؟!!!! ياناس ياقوم ياعالم فيقو على ارواحكم راهوالتّاريخ مايرحمش!!!

Change happened: Barack Obama won U.S. presidency!!!

Democrat Barack Obama has just won the 2008 U.S. presidential election becoming the 44th president of the United States and the first African-American to hold US's highest office.

انا ادوّن اذا انا موجود

"مرّ الكلام زي الحسام يقطع مكان ما يمر، أما المديح سهل ومريح يخدع لكن بيضر، والكلمة دين من غير إيدين بس الوفا عالحُر"
هذاكا علاش ماناش ساكتين كلمتنا نقولوها وصوتنا نوصلوه احبّ من احبّ وكره من كره وياعمّارماعليك كان تمشي تكسّر راسك اهوك فمّا بزايد حيوط

A bas la censure!

Tous ensemble pour qu'une vraie liberté d'expression existe en Tunisie!

نوفمبرنا ونوفمبرهم

ماعاد ما مازال يا جماعة!!! اللّيلة ليلة صلّى اللّه كيف ما نقولو في تونس!!! غدوة نحتفلو بنوفمبرنا رغم الدّاء والاعداء و خاصة عمّار وخردتوا ال404 (على خاطر زادة فمّا جماعة الطاحونة عافانا وعافاكم اللّه الّلي عندهم نوفمبرهم في نفس الفترة) حاجة اخرى هي القضية متاع خونا زياد الهاني اللّي ممكن تعكس موقف السّلط الرسمية تجاه قضايا الحجب والانترنات (بحكم تداخل السلط الثلاث في يد واحدة!!) هذا بالطبيعة كان ماتمّش تأجيلها وهي حاجة سائدة في المحاكم التونسية خاصة في ما يخص القضايا اللّي تمسّ مواضيع حسّاسة وتكون مسلطة عليها الاضواء!!!! المهم والمفيد هو نكونوا المدونين التوانسة الكل يدّ واحدة!!! والنّاس الكل بصوت واحد:
إذا الشعب يوماً أراد الحيـاة فلا بدّ أن يستجيب القدر
ولا بدّ للــــيل أن ينجلـــي ولا بدّ للقيد أن ينكسـر

اللّعب بعشانا ولا شنية الحكاية!؟

فمّا حاجة جلبت انتباهي في النهارين الاخرنين في تن - بلوقس هي الاشهارالموجود في الصفحة الرئيسيّة واللّي هو عبارة على اعلان يدعوا العباد للسياحة في فلسطين المحتلة او ما يعبّرو عليه باسرائيل! نعرف اللّي المسؤول المباشر على هذا هي شركة قوقل وماهوش خونا حسين اما لازم يكون فمّا حلّ باش تتنحى نهائيّا على خاطرهذا ماينجّم يكون كان استفزاز للعباد هذا اقلّ ما الواحد ينجّم يقول! هذي اخرحاجة عاد! الصهاينة المجرمين يقّتلو في النّاس على بعضها واحنا في عوض نحاربوهم باللّي انّجموا ولّينا نعملولهم في الِركلام على زوز صوردي كاينّا ندعّمو فيهم باش يزيدو في الارهاب متاعهم

جورج في دارخالتو

قالك "سلطان الطّرب" جورج وسوف مشى باش يغنّي في السّويد ونسى روحو ما فيبالوش اللّي هوما منظمين برشة والرحمة لا في حكايات المخدرات والغبابر اللّي تعوّد بيها في حياتو اليومية وفي سفريّاتو للبلدان العربية!!! اكهوعاد فمّاشي واحد ولد حلال صبّ بيه الصبة للحاكم ياخي شالوه وهوملّغم بالكوكا (انشالله برك الصبّاب مايطلعش تونسي ماناش ناقصين فضايح) و تفرعست الدنيا الكلّ و لا عاد فمّا حفلة ولاهم يحزنون !!!آش باش يفظهالو توّا؟ يخرج بكفالة زعمة!؟ ولا يشفع فيه الوليد ابن طلال!؟

يا واللّه احوال

قالو تعرفش العلم، قالو اي ونزيد فيه!! الانجاز اللّغوي الكبير هذا لقيتو بالصدفة على منتدى تونسي معروف!! السيّد حب يقول "اميديست" (المدرسة متاع المركز الثقافي الامريكي)

ياخي شوفو الرّائعة اللّي اتحفنا بيها
اما التصاور هذوما عاد بدون تعليق (ما فهمتش علاش يكتبوا بالفرنسية وقت اللي هوما كعبة لا! اشْ لَزْ حَمَّة يغنّي...) ومازال الخير على قدّام ما دام النّظام التّعليمي في تونس مازال يتخبط في المشاكل والسياسات الارتجاليّة السائدة

Plus de peur que de mal...

Bon c'est le retour à la normale pour tn-blogs :-), il s'agirait en fait d'un problème de serveur ou qq chose comme ça! Je me suis fais une frayeur tt à l'heure car j'ai cru que notre Ammar national était passé par là au volant de sa maudite 404!!.......

Winou Tn-blogs???????????????

Bon c'est vrai que depuis voila un moment je n'ai pu mettre mon blog à jour faute de temps...! Cependant, je tiens à faire le tour de la blogosphère presque quotidiennement et aujourd'hui à ma grande surprise, tn-blogs.com ne s'ouvre plus....!!!? Ech famma yekhy? hanniwni! un problème technique 3andi ena?............

تدوينة حمراااااااااااااااااااااااء

تدوينة حمراااااااااااااااااااااااء في لون دماء شهدائنا الذين استبيحت دمائهم في الرديّف من طرف مليشيا ُتحكم سيطرتها على البلاد والعباد ضاربة عرض الحائط بكلّ القيم مستعينة في ذلك بشرذمة من القوّادة و القفّافة الذّين لايتوانون عن التّستر على السّرقات والفساد المتغلغل في جلّ المؤسسات... وهوما ولّد شبه مسرحّية حزينة مهترئة اطوارها معروفة مسبّقا وبطلها الشّعب المغلوب على امره في خضمّ واقع مرير نرى فيه صعودا صاروخيّا نحوالقمّة والمال والجاه لجلّ المقرّبين في حين يشهد السّواد الاعظم من "المواطنين" الّرعايا مصيرا مجهولا في ضلّ المحاباة والانتهازيّة السائدتان هذا علاوة على التدني الرّهيب للمقدرة الشرائيّة وتردّي الاوضاع الاجتماعيّة... لقد بلغ السّيل الزُّبَى فارحلوا ارحلوا ارحلوا ارحلوا...

وكما قال شاعر الخضراء:

إذا الشعب يوماً أراد الحيـاة فلا بدّ أن يستجيب القدر

ولا بدّ للــــيل أن ينجلـــي ولا بدّ للقيد أن ينكسـر

ومن لم يُعانــقه شوق الحيــاة تبخّر في جوّهـا واندثــر

فويلٌ لمن لم تشُقْه الحيـــاة من صفعة العدم المنتصــر

كذلك قالـت لي الكائنـــــات وحدّثني روحهـا المستتــر

الرّياضة أخلاق أولا تكون

شوف الفرق بين الزّوز تصاور

الخلاصة اللّي ممكن الواحد يخرج بيها: هُمَّا فين واحنا فين كيما يقول الشّيخ إمام

عيد الشّغل: بأيّ حَالٍ عُدْتَ ياعِيدُ؟

عيد الشّغل: بأيّ حَالٍ عُدْتَ ياعِيدُ؟
هاي الخدم المتوفّرة والآفاق المستقبليّة المؤمّنة لشباب وشيوخ تونس اليوم والغد وبعدغدوة كان لزم بمناسبة عيد الشّغل المجيد في هذا "العهد السّعيد" كيما يقول الكتبلازما معزادريس رئيس "الّنِجم" السّاحلي

لا مجال في تونسنا اليوم لشباب مكبوت رأسه مربوط

بسم اللّه الرّحمان الرّحيم

ايّها البلوقسفاريّون، ايّتها البلوقسفاريّات، اخواني اخواتي

امّا بعد

لقد قرّرنااليوم الانطلاق على بركة اللّه في حملة الشباب المحتاط التي أرسى دعائمها اخونا في محاربة البهامة "الرّاس الحرّ". ولقد اتّخذناهذا القرار الواعي والمتّزن من خلال حرصنا الجسيم على الانخراط في حملة الحوارالفاعل مع الشّباب من كافّة شرائح واطياف وطننا العزيز و اهتمامنا الفعلي واللاّ متناهي بمشاغله وحرصنا على القطع نهائيّا مع كلّ ما من شأنه ان يعكّر صفوه من بطالة ونقص في الموارد وصولا الى سياسة التّهميش والوساطات دون نسيان النّقص الفادح في فضاء ات التّرفيه والحوار الهادف البعيد كلّ البعد على الوصاية والمحسوبيّة والتّملّق

وعلى صعيد آخر نعبّر عن قلقنا وعن عميق انشغالنا ازاء الضّربات العدوانيّة الغاشمة

والتدخّل السّافر الذي من الممكن ان يبادراليه مقصّ الرّقيب و محاولة التّعدّي الصّارخ على مقوّمات دولة حقوق الانسان و القانون والمؤسّسات من خلال حجب بعض المدّونات اللّتي يعبّر اصحابها عن آرائهم بكلّ حريّة

ولايسعنا في الختام الاّ نعرب عن عميق شكرنا وامتناننا وعرفاننا لاخواننا البلوقسفاريّون واخواتناالبلوقسفاريّات المشاركين والمشاركات بدورهم في هذه الحملة ونفتح ابواب مدوّنتا المتواضعة امام كلّ من يريد المشاركة في الحوارالبنّاء من خلال التبادل السّليم للآراء

فلا مجال في تونسنا اليوم لشباب مكبوت رأسه مربوط ولامزيّة حدّ علينا قالّوا "انتم الحلّ ولستم المشكل" وهوما راهم يدعيوفي قلوبهم انشااللّه اغلبهم يحرقوا لايطاليا خلّينا نرتاحوا بالطّبيعة اخطى اولاد سي فلان وسي فلتان واللّي يقرب لزيد وعَمْرْ على خاطر هذوكم بالحقّ الحلّ اما اولاد عامّة الشّعب يفنيوحياتهم في القراية واللّي سلّكها يشري الكاباس بثلاثة ملاين ونُقْلة بثلاثة كيلو اخرين

والآن ايّها البلوقسفاريّون، ايّتها البلوقسفاريّات، اخواني اخواتي
السّلام عليكم ورحمة اللّه وبركاته

يا بيق تراب بوي اللّي ما عندوا شاهد كذّاب

خونا العزيز بيق تراب بوي كان تناول حكاية آخر اللقطات والأخبار من إعلام يعمل العاراللّي حكى فيه على مصارعة الأكباش على قناة الأوباش...وأنا هاني لقيت التّصاورمتاع الرّوبرتاج العظيم اللّي تعدّا في اخبارالثّمنيّة متاع اللّيل اللّي باهت فيهم كيفاش التوّة ما ردّوهم يتعدّاو مع السّبعة

http://trapboy.blogspot.com/2008/04/blog-post_02.html مدونة خونا العزيز بيق تراب بوي:

Sidi Bou Saïd au début du siècle dernier (2)

Voici la suite des photos de Sidi Bou Saïd au début du siècle dernier... Je laisse les photos parler d'elles mêmes...

A Suivre...